Orto e Vigna

…dall’orto

Mese dopo mese l’orto dona i suoi frutti. Cura pazienza e amore fanno di questo spazio una dispensa a cielo aperto, sempre aperta e sempre fresca.

… dalla vigna

Per pochi metri questo vigneto cade sul territorio della provincia di Mantova, altrimenti la vigna molino sarebbe l’unico vino imbottigliato della provincia di Cremona. A produrlo sono i fratelli Malinverno, competenti enotecari, che si cimentano direttamente con la viticoltura. Da uvaggi di cabernet e merlot si ottiene questo rosso vinoso ed erbaceo (…)”.

Da Gambero Rosso N.32, Settembre 1994

A vendümià

di Mario Baratti

“ Alùra te vègnet “? “Se , vègni anca me “

“ Ma quant el farùm “? “De sicür martedé,

Gò d’andà a dìl an in funt al cantòn

A tüti chejater del gir dei pezòn”

La vùs e i acòrdi j’è per endà a fa

Na lauràda e dòpu el disnà

Da sènper cun cudeghén e pulènta

E pò del vén ghe n’è tüta na brènta

L’è tan mé quant riva i prim tempurài

Che bizügna metìse gabàn e stivài

Cuzé a setènber ghè d’andà a fà

L’ùa de Ricàrdo, se pöl mìa mancà

Se tàca en pò tardi per la ruzàda

E an per chèi che ga fat la nutàda

E i prim che rìva i tàca a parlà

De chèst e de chèl che ga da rivà

Intànt se cumìncia a fa la catàda

E iön el cünta la prìma vacàda

Fàta da chèi che ghèra i prìm an

A inpièner sedèli e an i cavàgn

Vèn föra la storia de Carlo Scaìn

De Armando, del Piàpul e Cèco Marì

De l’ustér dela tùr, de Nìto Bulsér

Che i cantàva Verdi cun mìla bicér

Vèn föra li stòri de tanti izulàn

Bon tant de bùca ma anca de man

Li stori de fiöli che cun sentimènt

Li cuntetàva en regimènt

E intant se ricòrda de zént e dei an

Che pàsa ala svèlta e i cunpàgn

Che sùta sfors i tacàva a sfiatà

E pürtròp i vèn pö che a vendümià

Istàn ghè mìa Fausto, l’è endàt in viàs

Infìna in ‘Mèrica, chisà se ghè piàs

Ghè Fede, la Greta e ‘n barbòn furestér

Che i laùra de vòia che l’è ‘n piazér

Se càta l’üa insèma e cuzé bèl bèl

Vèn föra la storia de chèst e de chèl

Pàsa ala svèlta intànt la matìna

L’üa l’è poca, vedarùm la cantìna

Prìma ghèra la Elda là in cuzìna

A cözèr cudeghén per na ventìna

Adès la Laura per na taulàda

Tüti cuntènt de fà na mangiàda

Catàse a fà l’üa, lé a Funtanèla

L’è la manèra de savì chèsta e chèla

L’è tüta na scüza endà a vendümià

El güst l’è stà insèma en dé a bagulà